مقصد التويت دي كان اني الفت الانتباه الى ان من كتر العك احنا نفسنا كمعارضين اتشوهنا واتأقلمنا بدرجة ما بالتعامل مع تصريحات المسئولين والخواجة صروف على انهم فاشلين وكوميكس وخلاص في حين ان الفاشل ده طوال ال٩ سنين ماجلتش منه في اختيار مسئول واحد خرونج وراضخ!

طول ال٩ سنين ماشفناش حد قاله لا غير عضو مجلس الشعب عن دمياط "الله يرحمه" صاحب واقعة انت مين؟ انت دارس الكلام ده؟! واللي لسه الخواجة صروف من شهر بس معترف ان كلام الراجل ده كان صح ودمياط اتدمرت بالمشروع العره ده بس "مش مشكلة وايه يعني" على حد قوله!!

مدركين ان مصر اللي كانت دولة وحكومة ووزارات من ايام سيدنا يوسف ما كان وزير مالية في مصر يعني قبل ما اغلب اراضي العالم اصلاً يتم اكتشافها وان عليها بشر قعدت في القرن ال٢١سنتين فيها٥حقائب وزارية فارغة ماسكهم ٥ زكريا الدرديري؟! ده اكبر دليل ان المسئولين اللي بيختارهم وجودهم زي عدمه!

مؤمنة جداً ان مصر زي دول كتير مش مسموح لها تكبر وتتصلح وكله بيصدر اللي بيرؤسه في وش الشعب ياخد التهزئ رغم انها اوامر ومالوش ذنب بس مايرضوش يوصلوك بالاعلى منهم اطلاقاً وسايبنا نخبط في بعض ودي سياسة سارية من اول خدمة عملاء شركات الاتصالات والبنوك وغيرها لحد منصب الخواجة صروف نفسه

لكن كمان في فرق كبير بين انك مش مسموح لك تصلح وتكبر وبين انك تدمر وماتسبش حتى فرصة لللي جاي بعدك ينقذ حاجة ده مش طبيعي!! ونرجع تاني مش ممكن تكون فاشل في كل حاجة على مدار ٩ سنين ومغرق البلد وناجح بس في اختيار المسئولين الخرونجات اللي بينفذوا اوامر خرابك وبس بالطريقة البديعة دي!!

بصوا لتعامل السادات ومبارك الله يرحمهم ودهاؤهم في التحرير والبناء والنموالاقتصادي لحد ما طلبنا وقف المعونة الامريكية ٢٠٠٨بعد تحقيق اعلى نمو اقتصادي بالمنطقة وقت ما العالم متخربأ اقتصادياً علشان نعرف نقفل منظمات المجتمع المدني اللي كانت شغالة بدون تراخيص ومخربأة البلد وامريكا رفضت

واللي طنطاوي دور فيهم الضرب وقفلهم في الهيصة بعد ٢٠١١ وانت تشوف الفرق متجلي ازاي بين ان مش مسموح لك تكبر وتصلح وانت بتكبر وتصلح من تحت التربيزة وبين انك بتخرب وتدمر ورامي رأي اي مخلص في الزبالة السؤال: ايه اللي احنا فيه ده واتلعب وبيتلعب بينا لحد دلوقتي كده ازاي وعلى ما ايه؟!

بصوا لتعبيرات وشه وتعبيرات وش الطقم بتاعه اللي وراه في الصورة دي وركزوا بعد كده في كل الصور اللي من النوع ده وانتو تفهموا الثريد

واذا كنت بنتقد تأقلمنا احنا نفسنا كمعارضين فطبعاً مش محتاجة اتكلم عن بهاليل ولجان الخواجة صروف لانهم جنب اللي انا كتباه ده تحت جداااااااااا لدرجة انهم مش متشافين ولا لهم تواجد في الواقع فبطلوا تعملوا لل? سعر علشان بيفتكر نفسه جاتوه ركزوا شوية هتلاقوا اكونتات منهم نامت الفترة دي